ညဆယ့်တစ်နာရီသုံးဆယ်မိနစ်အချိန် ကိုယ်တိုင်ရေးပုံတူ

ဟောဒီမျက်နှာပေါ့။ အယ်လ်မွန့်ဆပ်ပြာရဲ့
ဇာနားကွပ်ရေမြှုပ်တွေနဲ့ ကျွန်မညစဉ်တည်ခင်းဧည့်ခံရတာ။
ဦးခေါင်းက
ခြေကုန်လက်ပန်းကျခြင်းရဲ့ဒုတိယအဆင့်မှာ ငိုက်စိုက်။

ကလေးအရွယ် ဟောဒီရင်သားတွေပေါ့။ ကျွန်မရဲ့အရင့်အမာ
ရင်နှစ်မွှာထဲမှာ သူတို့ကိုထည့်မြှပ်ပစ်ခဲ့ရတယ်။ နိမ့်ကျပုခုံးသားတွေ။
အရိုးပေါ်အရေတင်နေတဲ့ နံရိုးအိမ်၊ ဆုပ်ထားတဲ့လက်သီးက
သံတိုင်တွေကိုထုရိုက်နေဆဲ။

အနက်ရောင်ဘရာစီယာ၊ ညိုညစ်ညစ်ခြေအိတ်ရှည်၊ ရှည်လျားပြီး
ထစ်ငေါ့နေတဲ့ အတွင်းခံဂါဝန်။ ကျွန်မရဲ့ဝမ်းဗိုက်တလျှောက်
လျှောဆင်းသွားတဲ့အမာရွတ်ဟာ အမြှောင်းလိုက်ခုံးကြွပြီး မဟူရာဖလားလို
ရောင်စုံဖျာထွက်။ သူတို့ရိပ်သင်ပစ်ခဲ့တဲ့ အမွေးကြမ်းကြမ်းတွေ
ပြန်လည်ရှည်လျားလာခဲ့တယ်။

ဟောဒါက ကျွန်မရဲ့ဝမ်းဗိုက်ပေါ့။ ရေမြှုပ်လိုပွယောင်း၊ ခွင့်လွှတ်လိုစိတ်လည်းအပြည့်။
သူ့ရဲ့အိတ်ကပ်တွေအားလုံးကို ကျွန်မနှိုက်ထုတ်ရှင်းလင်းခဲ့ပြီးပြီ။
သူဟာငိုက်မြည်းနေတဲ့ ခါးကုန်းကြီးအဖြစ် နေသားကျခဲ့ပြီ။
“တစ်ချိန်တုန်းကတော့ ငါ့ကိုမြတ်နိုးလိုက်ကြတာ”

ပြီးတော့ကျွန်မရဲ့ခြေထောက်တွေ၊ အကြမ်းပတမ်းခံတဲ့ တံဆိပ်ပြားတွေလို
အသားမာတွေ။ ဖိနပ်တို့ရဲ့စက်ရုံထဲမှာ အမိန့်အတိုင်း
သူတို့တစ်နေ့လုံးကြိတ်ခွဲကြတယ်။
ကျွန်မရဲ့ခြေဖမိုးသားတွေကတော့
ရှမွိုင်းလိုနူးနူးညံ့ညံ့။

ရှာနာဘလော့ခ်
မြန်မာပြန်-မောင်ဒေး

(အမေရိကန်ကဗျာဆရာမ Chana Bloch ရဲ့ Self-Portrait at Eleven Thirty P.M ကဗျာကိုပြန်ဆိုပါတယ်)