အဒိုးနိစ်ရဲ့ကဗျာ ၂ ပုဒ်

ဝတ်မှုန်

တစ်ခါတရံ လယ်ကွင်းရဲ့ကိုယ်ပေါ်မှာ
လက်သည်းအစို့အညှောက်တွေပေါက်တယ်။
သူဟာရေကိုအတောင့်တကြီး တောင့်တနေတယ်။

                        *

ဆောင်းရဲ့အထီးတည်းဖြစ်မှုနဲ့
နွေရဲ့ကုန်လွန်ဖြတ်သန်းခြင်းကို
နွေဦးရဲ့တံတားက ပေါင်းကူးပေးတယ်။

                        *

အသံဟာဘာသာစကားရဲ့အာရုဏ်ဦး။

                        *

ဖုန်မှုန့်ဟာ
လေထဲမှာသာ ကခုန်တတ်တဲ့
ခန္ဓာကိုယ်တစ်ခု။

အဒိုးနိစ်
မြန်မာပြန်-မောင်ဒေး



ဝတ်မှုန် (၂)

သဘာဝတရားကအိုစာမသွားဘူး။

                       *

အချိန်ကိုငါကျေးဇူးတင်တယ်။
သူ့ရဲ့ရင်ခွင်ထဲမှာ ငါ့ကိုသယ်ဆောင်ပြီး
ငါလျှောက်ခဲ့တဲ့လမ်းတွေကိုဖျောက်ဖျက်ပေးလို့။

                       *

မင်းရဲ့လက်နှစ်ဖက်ကိုဖွင့်ထားပေးပါလား။
အဲဒီလက်နှစ်ဖက်ကြားမှာတုန်ရီနေတဲ့
ငါ့ရဲ့အမှတ်ရအောက်မေ့မှုကို
ငါပြန်မြင်ချင်တယ်။

အဒိုးနိစ်
မြန်မာပြန်-မောင်ဒေး

(Adonis ရဲ့ Pollen နဲ့ Pollen II ကဗျာတို့ကိုပြန်ဆိုပါတယ်)