သေသွားတဲ့လူတွေ

ပတ်ဒူဂန်...ငါ့အဖိုး...လည်ချောင်းကင်ဆာ...၁၉၄၇။
အက်ဒ်ဘယ်ရီဂန်...ငါ့အဖေ...နှလုံးရောဂါ...၁၉၅၈။
ဒစ်ကီဘတ်ဒ်လောင်း...ငါ့အချစ်ဆုံးသူငယ်ချင်းဘရူစီရဲ့အကိုကြီး၊ ငါတို့က
                                    ၅နှစ်နဲ့ ၈နှစ်အရွယ်...ကိုရီးယားမှာအသတ်ခံရ၊ ၁၉၅၃။
ရက်ဒ်အိုဆူလေဗန်...နာမည်ကျော်ဟော်ကီကစားသမား၊တောလမ်းဖြတ်အပြေးသမား
                အထက်တန်းတုန်းကငါ့ရဲ့နေလည်စာစားပွဲမှာထိုင်ခဲ့...ယာဉ်တိုက်မှု...၁၉၅၄။
ဂျမ်မီ“ဝါး”တီယာနန်...အထက်တန်းတုန်းကသူငယ်ချင်း
                ဘောလုံးနဲ့ပြည်နယ်ပေါင်းစုံဟော်ကီလက်ရွေးစင်...ယာဉ်တိုက်မှု...၁၉၅၉။
စစ္စကိုဟျူစတန်...ကင်ဆာကြောင့်ကွယ်လွန်...၁၉၆၁။
အကပညာရှင်ဖရက်ဒီဟာကို...၁၉၆၃ ခုနှစ်၊ ဂရင်းနစ်ခ်ျဗေးလစ်ဂ်ျ ပြတင်းပေါက်တစ်ခု
ကနေခုန်ချသွား။
အန်းကပ္ပလာ...ငါ့ရည်းစား...ယွန်းကားစ်ကလေးဆေးရုံမှာ ပုလွေမှုတ်နေတုန်း
                                   မီးခိုးအဆိပ်မိပြီးသေဆုံး
                                         ၁၆နှစ်အရွယ်လူငယ်တစ်ယောက်ရဲ့ရှို့မီး...၁၉၆၅။
ဖရန့်ခ်...ဖရန့်ခ်အိုဟားရား...ဖိုင်းယားကျွန်းပေါ်မှာကားတိုက်ခံရပြီးသေဆုံး၊ ၁၉၆၆။
ဝူဒီဂါသရီ...ဟန်တင်တန်ဦးနှောက်ပျက်ရောဂါနဲ့ ၁၉၆၈ခုနှစ်မှာသေဆုံး။
နီးလ်...နီးလ်ကဆာဒီ...မက္ကဆီကိုကရထားလမ်းဘေးမှာ မိုးထဲရေထဲ
                 ညလုံးပေါက်အိပ်ပျော်သွားခဲ့ပြီးသေဆုံး...၁၉၆၉။
ဖရန်နီဝင်စတန်...ကောင်မလေးတစ်ယောက်...သွားဆရာဝန်ဆီကအပြန် ဒဲထရွိုက်-
                 အန်းအားဘားရ်လမ်းမပေါ်မှာ ကားလည်းကြေ၊လူလည်းသေ...
                      စက်တင်ဘာ ၁၉၆၉။
ဂျက်ခ်...ဂျက်ခ်ကရိုးဝက်...အရက်နဲ့ကြမ်းကြုတ်တဲ့အဖျားရောဂါကြောင့်သေဆုံး...၁၉၆၉။

ငါ့ရဲ့နှလုံးအခုန်ကိုနှေးကွေးစေခဲ့တဲ့ သေခြင်းအကြောင်းတရားတွေ။ အဲဒီမိတ်ဆွေတွေ
အခုငါနဲ့အတူရှိနေတယ်။

တက်ဒ်ဘယ်ရီဂန်
မြန်မာပြန်-မောင်ဒေး

(အမေရိကန်ကဗျာဆရာ Ted Berrigan ရဲ့ People Who Died ကဗျာကိုပြန်ဆိုပါတယ်)

ဆောင်းတစ်ည

မုန်တိုင်းကသူ့ရဲ့ပါးစပ်ပေါက်ကို အိမ်ရဲ့ကိုယ်ပေါ်မှာတပ်ဆင်လိုက်ပြီး
အသံဂုဏ်ရည်တစ်ခုကိုရဖို့အတွက် လေကိုမှုတ်ထုတ်တယ်။
ငါကအိပ်ရာပေါ်မှာဘယ်ညာလှိမ့်။ ပိတ်ထားတဲ့ငါ့မျက်လုံးတွေဟာ
မုန်တိုင်းရဲ့စာသားကို ဖတ်နေခဲ့တယ်။

ကလေးငယ်ရဲ့မျက်လုံးတွေက အမှောင်ထဲမှာပြူးကျယ်လာ။
မုန်တိုင်းက သူ့အတွက်တစ်ဝေါဝေါအ်ာတယ်။
ခါယမ်းနေတဲ့မီးအိမ်တွေကို သူတို့နှစ်ဦးစလုံးသဘောကျတယ်။
နှစ်ဦးစလုံးဟာ စကားပြောဆိုနိုင်ခြင်းဆီရောက်ဖို့ လမ်းတစ်ဝက်မှာ။

မုန်တိုင်းမှာ ကလေးတစ်ယောက်ရဲ့လက်တွေ၊အတောင်ပံတွေရှိတယ်။
အဝေးတစ်နေရာမှာတော့ ခရီးသွားတွေဟာ လေကွယ်ရာဆီအပြေးအလွှား။
အိမ်ဟာ ၎င်းရဲ့နံရံတွေကိုစုစည်းထိန်းချုပ်ထားတဲ့
အိမ်ရိုက်သံ ကြယ်အစုအဝေးကို ထိစမ်းခံစားကြည့်နေတယ်။

ငါတို့ရဲ့အခန်းတွေထဲမှာ ညကငြိမ်သက်လျက်။
အဲဒီမှာ ခြေသံတွေရဲ့ပဲ့တင်ခြေသံတွေဟာ
ရေကန်တစ်ခုအောက်မှာနစ်မြုပ်နေတဲ့ သစ်ရွက်တွေလို အနားယူလျက်။
ဒါပေမယ့်အပြင်ကညဟာတော့ စိတ်ကြမ်းလူကြမ်း။

ပိုပြီးမှောင်မိုက်တဲ့မုန်တိုင်းတစ်ခုက ငါတို့ရဲ့ကမ္ဘာပေါ်မှာမားမားရပ်နေတယ်။
သူ့ရဲ့ပါးစပ်ပေါက်ကို ငါတို့ရဲ့ဝိညာဉ်ပေါ်မှာတပ်ဆင်လိုက်ပြီး
အသံဂုဏ်ရည်တစ်ခုကိုရဖို့အတွက် လေကိုမှုတ်ထုတ်တယ်။ မုန်တိုင်းကငါတို့ကို
ဗလာကျင်းသွားအောင်မှုတ်ထုတ်လိုက်မလားဆိုပြီး ငါတို့ထိတ်လန့်ကြတယ်။

ထောမတ်စ် ထရန်စ(ထ)ရိုးမား
မြန်မာပြန်-မောင်ဒေး

(ဆွီဒင်ကဗျာဆရာ Tomas Transtromer ရဲ့ A Winter Night ကဗျာကိုပြန်ဆိုပါတယ်)

သဲနွံအိုင်

သဲနွံအိုင် ပျောက်ကွယ်သွားပြီ။ မသိရင် ကမ္ဘာအနှံ့ရွှေ့ပြောင်းဖယ်ရှားရေးစီမံကိန်းတစ်ခုက
သူ့လုပ်ငန်းကိုအပြီးသတ်လိုက်တဲ့အတိုင်းပဲ။ သဲနွံအိုင် ဘယ်ရောက်သွားပြီလဲ။
      သဲနွံအိုင်တစ်ခုထဲမှာကျွံ့ဝင်နေရမယ့်အဖြစ်ကို ငါငယ်ငယ်ကတည်းကကြောက်ခဲ့တာပဲ။
တောကြီးမျက်မည်းထဲမှာငါတစ်ယောက်တည်း၊ ပြီးတော့ဘာလုပ်ရမယ် ဘာမလုပ်ရဘူး ဆိုတာကိုဗျာများပြီးစဉ်းစား။ အတင်းကာရောရုန်းထွက်ရင်လည်း  သဲနွံထဲပိုပြီးနစ်ဝင်ဖို့ပဲရှိ မယ်။အနီးပတ်ဝန်းကျင်မှာ ဟိုဒီသွားလာနေတဲ့ဒေသခံတိုင်းရင်းသားတစ်ယောက်တစ်လေ ရှိမလားဆိုတဲ့မျှော်လင့်ချက်နဲ့ အော်ဟစ်အကူအညီတောင်းဖို့ဆိုတာကလည်း  အသုံးမတည့်
လှတဲ့ကိစ္စ။ အဲဒီတိုင်းရင်းသားက မျှားသေးသေးလေးတွေကို မှုတ်ပြောင်းနဲ့မှုတ်ပြီးတိုက်ခိုက်
တတ်တဲ့ မျိုးနွယ်ကဖြစ်ချင်ဖြစ်နေမှာ။ ငါ့တစ်ကိုယ်လုံးထုံကျင် သွက်ချာပါဒလိုက်ပြီးတဲ့အခါ
ကျတော့ သူကငါ့ကိုနွံတောထဲကဆွဲထုတ်ပြီး ငါ့ခေါင်းကိုဘေ့စ်ဘောတစ်လုံးအရွယ်လောက်
ကျုံ့သွားအောင် လုပ်ပစ်မှာ။ မဖြစ်သေးဘူး၊ တိတ်တိတ်ကလေးနဲ့စိတ်အေးအေးထားနေတာ
က ပိုကောင်းမယ်။စိတ်အေးအေးထားတော့ ရုပ်ရှင်ထဲမှာကြည့်ဖူးတဲ့ပညာရှင် တစ်ယောက်
ပြောတာကို သွားအမှတ်ရမယ်။အဲဒီပညာရှင်ရဲ့အဆိုအရ တစ်ခုတည်းသောလွတ်မြောက်ရာ
လမ်းဟာ ငါရေကူးနေပါလားလို့မြင်ယောင်ကြည့်ခြင်းပဲတဲ့။ ဒါပေမယ့် ဘယ်နေရာမှာကူးရမယ်
ဆိုတာကိုတော့ သူကပြောမသွားဘူး။ ကော့ထ်ဒဲဇယူးရ်ကမ်းရိုးတန်းမှာကူးရမှာလား။ မြောက် အတ္တလန္တိတ်မှာကူးရမှာလား။ အဲဒီကရေမည်းမည်းကြီးတွေရဲ့အောက်ခြေကိုတော့ တိုက်တန်း နစ်သင်္ဘောကြီးလျှောဆင်းသွားခဲ့ဖူးတယ်။ ဒါမှမဟုတ် ငါငယ်စဉ်ကအော်ဟစ်ရယ်မောဆော့
ကစားခဲ့တဲ့ ပြည်သူပိုင် စိမ်းပြာရောင်ရေကူးကန်မှာ ကူးရမှာလား။
      ဒါပေမယ့် အခုဒီကိစ္စအတွက် သောကရောက်စရာမလိုတော့ဘူး။ သဲနွံအိုင်ပျာက်ကွယ်သွား
ပြီလေ။မသိရင် သူ့ကိုယ်သူပြန်မြိုသွားသလား အောက်မေ့ရတယ်။။

ရွန်ပတ်ဂျစ်ထ်
မြန်မာပြန်-မောင်ဒေး

(အမေရိကန်ကဗျာဆရာ Ron Padgett ရဲ့ Quicksand ကဗျာကိုပြန်ဆိုပါတယ်)

ငါတို့ ချီတုံချတုံ

ရောက်လာမယ့်နေ့တွေဟာ ရေဝေကုန်းတန်းတစ်ခု။
မင်းရဲ့ဘုရားသခင်ပုံတူကို ဒီထက်ကောင်းအောင်လုပ်ဖို့တော့လိုမယ်။
ဒါမှရိုးရိုးရှင်းရှင်းဖြစ်မယ်။ စာရင်းထဲမှာအဲဒါပါတယ်။
မင်းနဲ့မင်းရဲ့ခန္ဓာကိုယ်တွေက အဝတ်လှန်းတဲ့ကြိုးတန်းပေါ်မှာ။

အသစ်ဟူသောအတိတ်က မှိုင်းညို့သောမျှော်လင့်ချက်ကြီးတစ်ခုလို
သစ်ပင်တန်းရဲ့အထက်မှာ အလိပ်ကိုဖြည်ချလိုက်တယ်။ ကမန်းကတန်းရွေ့နေတဲ့
တိမ်တွေပေါ်မှာ အခိုက်အတန့်သဘောတင်ထားတဲ့ ဧရာမလက်ကြီးတစ်ခုအလားပဲ။
မြစ်ဝှမ်းတွေပြည့်တင်းလာ၊ ပြီးတော့ရှုပ်ထွေးလာကြ

ဒါပေမယ့် မလုံလောက်သေးဘူး။ စိုးရိမ်ပူပန်မှုနဲ့ ရှက်ကိုးရှက်ကန်းဖြစ်ရတာတွေက
သိပ်သည်းဗောင်းလန်စွာ ကြီးထွားလာတယ်။ သူတို့အိမ်ပြန်ရောက်တာနဲ့တစ်ပြိုင်နက်
ဆဲဆိုတာတွေမရှိတော့ဘူး။ မီးလောင်တာတွေက ညနေခင်းရဲ့စိတ်ကိုနှောင့်ယှက်တယ်။
တကယ့်ဇာတ်လမ်းကိုဘယ်သူမှမကြားနိုင်။ ဒါမှမဟုတ် တစ်ခါတစ်ရံမှာလူတွေဟာ

ကလေးတစ်ယောက်လို မေ့လျော့တတ်ကြတယ်။ အဲဒီကျင့်ဝတ်ကိုတားမြစ်လိုက်နိုင်ဖို့
ငါ့အတွက် လပေါင်းများစွာကြာခဲ့တယ်။ အဲဒါကိုတားမြစ်လိုက်တဲ့အတွက်ရော
ဘာများအကျိုးရှိသတုန်း။ မင်းကတော့ ဦးနှောက်လည်းပုံမှန်၊ လည်လည်ပတ်ပတ်လည်းရှိတဲ့
လူတစ်ယောက်ဖြစ်နေဆဲပါပဲ။ ဆည်းဆာမှာအမြစ်တွယ်ပြီး စိတ်ကူးယဉ်နေတဲ့ ယာဉ်ကြောပေါ့။

ဂျွန်အက်ရ်ှဘရီ
မြန်မာပြန်-မောင်ဒေး

(အမေရိကန်ကဗျာဆရာ John Ashbery ရဲ့ We Hesitate ကဗျာကိုပြန်ဆိုပါတယ်)

လစ်သူယေးနီးယန်း ငိုချင်းတစ်ပုဒ်

မြူနှင်း မြူနှင်း ငါ့ရဲ့အလှတရားကဆုံးရှုံးခဲ့တဲ့အရာ
အဖိုးကြီးတစ်ယောက်စကားပြောနေတာ ငါကြားတယ်

ငါတို့ သစ်တောတွေပဲဖြစ်ရမယ်
ဥာဏ်ပညာကြီးရင့်သူအမျိုးသမီးတွေက သစ်ကိုင်းမှာဖဲကြိုးတွေချည်နှောင်

လေက စာဘယ်လိုပေါင်းဖတ်ရမလဲဆိုတာကို သိတယ်
ဟောဒီမြစ်သေးသေးလေးထဲမှာ ရေတွေများလှချည့်

ဘာသာတရားဟောင်းကြီးကို မဆုံးရှုံးစေနဲ့လမင်း
ငါတို့လိုအပ်လို့ ငါတို့သန်မာနေကြတာပဲ

တစ်ခါတရံအဖေကသားထက် တစ်လကြီးတယ်
ကျိုးနေတဲ့ဂစ်တာပေါ်ကတရားကို မင်းကြားလား

ငါ့သမီးကို သစ်ပင်နာမည်တွေခေါ်တတ်အောင် သင်ခဲ့ပေးပြီးပြီ
နေမကွယ်ခင်အထိ ဘယ်သူ့ကိုမှသွားမထိနဲ့

သွေးထွက်နေတဲ့လူတစ်ယောက်ကို မြစ်ကမ်းနဖူးပေါ်မှာမင်းမြင်ခဲ့တယ်
အကြိမ်ကြိမ်ဆေးကြောကြပေမယ့် ငါတို့ဘယ်တော့မှ သန့်ရှင်းမလာ

လမ်းလျှောက်ပုံကိုကြည့်ပြီး ငါတို့တစ်ယောက်ကိုတစ်ယောက်သိတယ်
မိုးရေထဲမှာ ဖဲကြိုးနီတွေက အသားစတွေလို။

ရောဘာ့ထ်ကယ်လီ
မြန်မာပြန်-မောင်ဒေး

(အမေရိကန်ကဗျာဆရာRobert Kelly ရဲ့ A Lithuanian Elegy ကဗျာကိုပြန်ဆိုပါတယ်)

အတွင်းသူပုန်ကိုအရေဆုတ်ရန်

အိပ်ချိန်ဟာအတိတ်ရဲ့မီးကို သတိတရရှိတယ်။ စက္ကန့်တစ်ချို့ကြာမြင့်
ပြီးနောက် အချိန်ကအချိန်ဘက်ကိုပြန်လှည့်သွားတယ်။ အတိတ်ကိုကြောက်တာဟာ
မမြင်ရတဲ့ငမန်းကိုကြည့်ဖို့ ပင်လယ်ဆီသွားရသလိုပဲ။ “အတွင်းသူပုန်”
ကိုတစ်ကြိမ်မကငါရှာခဲ့ပြီးပြီ။ အဲဒီနောက်၊
ထောင်ချောက်တံခါးများနဲ့ ရင်ဘတ်အောင့်ခြင်းတစ်ချို့။

ပြတင်းပေါက်ရဲ့အပြင်ကိုကြည့်၊ ယုန်တွေမျိုးပွားသလို
ပစ္စုပ္ပန်ကိုဆတိုးကိန်းနဲ့မြှောက်၊ ရှေ့နောက်သွေဖယ်နေတာတွေကို လှီးထုတ်။
တစ်ခါတရံ ဘာကိုဆုံးဖြတ်ရမလဲငါတို့မသိဘူး။ လက်သမားတွေ
လှေကားကိုယ်စီ။ မကြာခဏဆိုသလိုပဲ အိမ်တစ်လုံးအတွင်းမှာ
နောက်ထပ်အိမ်တစ်လုံးဆောက်ဖို့အရေးဟာ။ အဲဒီနောက်၊
လမ်းချော်နေတဲ့ဇာတ်ဝင်ခန်း

ရထားတွေလမ်းချော်တာကိုပြတဲ့ဇာတ်ဝင်ခန်းမှာ ငါတို့ဟာ
တံတားကိုဖျက်မယ့်လူစူလုဝေး။ ယုန်ကို
ဘယ်လိုအရေဆုတ်ရသလဲလို့ သူမကမေးတယ်။
သင့်တင့်လျောက်ပတ်တဲ့စကားစုမရှိခြင်းကို ပြတဲ့သဘောပဲ။
မီးအိမ်အနောက်မှာပုန်းနေတဲ့ရန်သူ။ မီးဖိုချောင်ထဲကထမင်းစားပွဲဟာ
လူအယောက်တစ်ရာကိုနေရာပေးနိုင်တယ်။

မကြာခဏဆိုသလိုပဲ ငါတို့ဟာအိပ်စက်မှုအတွင်းလိင်ဆက်ဆံကြတယ်။
ကြမ်းတမ်းတယ်လို့ထင်ရပေမယ့် တကယ်ကဝမ်းနည်းကြေမွ
နေတာ။ နောက်ပြန်လမ်းလျှောက်ရင်း ကြိုးစားအားထုတ်မှုတစ်ခုအဖြစ်
တိုက်စားပျောက်ကွယ်နေတာ။ ရင်ထိတ်ဖိုရခြင်းရဲ့အလယ်အလတ်အဆင့်။ ငါ့မှာ
ဘုံအသိရှိတယ်လို့ထင်တာပဲ။ အိပ်ရာကနိုးလာတော့လည်း မြို့ဟာဇောက်ထိုး။

မောင်ဒေး
စက်တင်ဘာ ၅၊ ၂ဝ၁၂

ဒီတစ်ခုကချစ်တယ်လို့ပြောတဲ့သူအတွက်

လွမ်းတာတို့ နွမ်းနယ်တာတို့ ယုယချင်တာတို့ကိုသယ်ဆောင်လာတဲ့ကုန်တွဲကြီး
အထီးကျန်အဆန်ဆုံး အသက်မွေးဝမ်းကျောင်း
တသမတ်တည်းပဲ ပြီးတော့ပြောင်းနေတယ်
တသမတ်တည်း
ပြောင်းနေတယ်
ယဉ်ကျေးစွာရှင်းလင်းထားတဲ့အခန်း
ချေကလက်တောင့်တွေနဲ့ လက်သည်းပေါ်ကလခြမ်းလေးတွေ
အောက်စဖို့ဒ်အချစ်ကဗျာပေါင်းချုပ်ထဲမှာ စံနစ်တကျမုဒိန်းကျင့်မှု
ပျော့ဖတ်နူးမြိနေတဲ့ အပြဲ
တစ်ယောက်ကကုတင်ပေါ်မှာအိပ်နေတုန်း
နောက်တစ်ယောက်ကမျက်နှာကျက်ပေါ်မှာ မြင့်နိုင်သမျှမြင့်အောင်ခုန်နေတယ်
စုပေါင်းကဗျာစမ်းသပ်ချက်
ငါတို့လည်းတစ်မိုးတည်းအောက်မှာပဲ
မျက်ရည်ဟာမျက်လုံးအတွက်မှန်ဘီလူးဖြစ်လာတယ်
ညင်ညင်သာသာစီးဆင်းနေတဲ့ဆပ်ပြာ
ဖောက်ထွင်းရလွယ်တဲ့တိရစ္ဆာန်ရုံထဲက အသံရှည်ကြီး
မုန်တိုင်းဇာစ်မြစ်ဟာဇောချွေးဒီးဒီးကျ
အပြစ်တွေကအုပ်စိုးတယ်ဆိုတာကောင်းတဲ့ကိစ္စပဲ
မျဉ်း
အချပ်လိုက်ကြီးကွာကျလာတဲ့လူသားမျိုးနွယ်ပြုန်းတီးရေး
မင်းအော်ချင်ရင်အော်လိုက်ပေါ့ M.D.
ခံစားမှုအပူကိုတိုင်းတဲ့ကော်ပေတံ
အဲလ်ဖရက်ဒ်ဟစ်ခ်ျကော့ခ်ရဲ့ Vertigo
ကျာပွတ်ကိုနမ်းနေတဲ့လက်ဖျံသား
လက်ထပ်တယ်ဆိုတာ မနက်စောစောမှိုကောက်တာ

မောင်ဒေး
သြဂုတ် ၁၁၊ ၂ဝ၁၂