မကောင်းမှုဒုစရိုက်ကိုဖယ်ရှားခြင်း၊ ၁၉၂၆

လူဟာ မကောင်းမှုဒုစရိုက်အကြောင်းကိုတောင် မေ့ချင်မေ့နေတာမျိုး။

မှန်ကြည့်တော့ မိစ္ဆာတစ်ကောင်နဲ့အတူ သူများပစ္စည်းခိုးယူနေတဲ့ ငါ့ကိုယ်ငါပြန်မြင်ခဲ့ရ။

မင်းရဲ့အခန်းကိုငါတို့နှစ်ယောက် အခင်းအကျင်းပြောင်းခဲ့တယ်။

မျှော်လင့်ချက်မရှိဘူးဆိုတဲ့ခံစားချက်က ခံစားလို့ကောင်းခဲ့တယ်။

“မီးအိမ်တွေမရှိရင် ခက်တောင့်ခက်ခဲနိုင်ငံပဲ”လို့ ငါပြောခဲ့တယ်။

မြေပုံအဟောင်းတွေကိုငါတို့လေ့လာကြပြီး ဘယ်လမ်းသွားရမယ်ဆိုတာကို သူကပြတယ်။

ဒါပေမယ့်ဒီမှာ မင်းရဲ့ရယ်မောခြင်းဥယာဉ်ကို မင်းကစိုက်ပျိုးနှင့်ခဲ့ပြီးပြီ။

ငါပြုံးမိတယ်။ အလျှံညီးညီးအလင်းရောင်ကြီးတစ်ခုကို ငါတို့ကိုင်ထားကြတယ်။

ဒန်အိုင်းဗက်ခ်

မြန်မာပြန်-မောင်ဒေး

(Dan Ivec ရဲ့ The Disposal of Evil, 1926 ကိုပြန်ဆိုပါတယ်)

နဖူးပေါ်ကအနမ်းတစ်ချက်

နဖူးပေါ်ကအနမ်းတစ်ချက်ဟာ စိတ်ဆင်းရဲရခြင်းကိုပယ်ဖျက်ပေးတယ်။

ကျွန်မရှင့်ရဲ့နဖူးကို နမ်းတယ်။

မျက်လုံးပေါ်ကအနမ်းတစ်ချက်ဟာ အိပ်စက်မပျော်ခြင်းကိုအဆုံးသတ်ပေးတယ်။

ကျွန်မရှင့်ရဲ့မျက်လုံးတွေကို နမ်းတယ်။

နှုတ်ခမ်းပေါ်ကအနမ်းတစ်ချက်ဟာ ရေတစ်ကျိုက်သောက်ရခြင်းမည်တယ်။

ကျွန်မရှင့်ရဲ့နှုတ်ခမ်းကို နမ်းတယ်။

နဖူးပေါ်ကအနမ်းတစ်ချက်ဟာ မှတ်မိတာတွေကိုပယ်ဖျက်ပေးတယ်။

မရီနာဇဗက်တေဗား

မြန်မာပြန်-မောင်ဒေး

(ရပ်ရှန်းကဗျာဆရာမ Marina Tsvetaeva ရဲ့ “A kiss on the forehead” ကဗျာကိုပြန်ဆိုပါတယ်)

စစ်ပွဲကာလတစ်လျှောက် ကျွန်တော်တို့ပျော်ပျော်ပဲနေခဲ့ကြတယ်

တခြားလူတွေရဲ့အိမ်တွေကို သူတို့ဗုံးကြဲတော့ ကျွန်တော်တို့

လမ်းပေါ်ထွက်ဆန္ဒပြတယ်

ဒါပေမယ့် မလုံလောက်ဘူး၊ သူတို့ကို ကျွန်တော်တို့ကန့်ကွက်ကြတယ်

ဒါလည်းမလုံလောက်ဘူး။ ကျွန်တော်က

အိပ်ရာထဲမယ်၊ အိပ်ရာရဲ့ဘေးပတ်ပတ်လည်မှာ အမေရိက

တစ်စစီပြိုကျနေတယ်။ မျက်လုံးနဲ့မမြင်ရတဲ့အိမ်တွေ တစ်လုံးပြီးတစ်လုံး

တစ်လုံးပြီးတစ်လုံး။

ထိုင်ခုံတစ်လုံးကိုအပြင်ထုတ်ပြီး နေကိုကျွန်တော်ထိုင်ကြည့်တယ်။

မအောင်မြင်တဲ့အုပ်ချုပ်မှုတစ်ခုရဲ့

ခြောက်လမြောက်မှာ ပိုက်ဆံနဲ့လုပ်ထားတဲ့အိမ်ထဲမှာ

ပိုက်ဆံနဲ့လုပ်ထားတဲ့လမ်းထဲမှာ ပိုက်ဆံနဲ့လုပ်ထားတဲ့မြို့ထဲမှာ ပိုက်ဆံနဲ့လုပ်ထားတဲ့

တိုင်းပြည်ထဲမှာ

ပိုက်ဆံနဲ့လုပ်ထားတဲ့ ကျွန်တော်တို့ရဲ့မဟာနိုင်ငံတော်ကြီးထဲမှာ (အားလုံးပဲခွင့်လွှတ်ကြပါ)

စစ်ပွဲကာလတစ်လျှောက် ကျွန်တော်တို့ပျော်ပျော်ပဲနေခဲ့ကြတယ်။

အီလျာကာမင်းန်စကီး

မြန်မာပြန်-မောင်ဒေး

(ရပ်ရှန်း-အမေရိကန်ကဗျာဆရာ Ilya Kaminsky ရဲ့ We Lived Happily During the War ကဗျာကိုပြန်ဆိုပါတယ်)

ဟဲဗီးမက်တယ်လ်

လူတိုင်းဂစ်တာတီးနိုင်ပြီ။ လူတိုင်း

ခြောက်လုံးပြူးဝယ်နိုင်ပြီ။ ငါတို့ဟာ မိုက်ရူးရဲလူအုပ်ကြီးဆီကနေ

ကောင်းမွန်တဲ့အနာဂတ်ကိုရဖို့ မျှော်လင့်ခဲ့ကြတာများလားဟင်။

ငါ့မှာအဖော်မရှိတဲ့အခါ အစွဲအလမ်းကို ငါ့အဖော်အဖြစ်ပြောင်းယူခဲ့တယ်။

ဆပ်ပြာမရှိတဲ့ရေချိုးခန်းဟာ ပလိပ်ရောဂါပြန့်နေတဲ့နယ်မြို့တစ်မြို့ဖြစ်ပါတယ်။

နွားကုန်သည်တို့ရဲ့စိတ်နေစိတ်ထားမျိုးနဲ့ ဘဝကိုကြည့်လို့မရဘူး။

ငါ့မှာအော်ခေါ်စရာစားပွဲထိုးမရှိတဲ့အခါ ငါ့ရဲ့နားကိုငါပိတ်ထားခဲ့တယ်။

မွေးကင်းစနိုင်ငံရေးသမားလေးဟာ အရင်းရှင်စီးပွားရေးကိုယုံကြည်တယ်။

လူတကာရဲ့ထိကိုင်ဆော့ကစားခြင်းကိုခံရတာကြောင့် သူ့ရဲ့ဂွေးကလေးဟာ

ခရမ်းရောင်ပြောင်းခဲ့တယ်။ ဟဲဗီးမက်တယ်လ်အဖွဲ့တွေရဲ့ပိုစတာတွေကို

အခန်းနံရံမှာကပ်ထားရင် ခင်ဗျားကိုတစ်ညလုံးစကားတွေလာပြောနေလိမ့်မယ်။

ရိုင်းစိုင်းမှုဟာ ငါ့ရဲ့ဇာခြင်ထောင်ပါးဖြစ်ပါတယ်။

လူတော်တော်များများကတော့ ကိုယ်ကောင်းရင်ခေါင်းမရွေ့ဘူးဆိုတဲ့

ကိုယ်ကျင့်သိက္ခာအဆင့်မှာ လုပ်ကိုင်လည်ပတ်နေကြဆဲပါပဲ။

တောလည်ထွက်ပြီးပြန်လာခဲ့တဲ့ငါဟာ

ပျောက်သွားတဲ့အသားဖျက်ဓါးကို လျှိုမြောင်ထဲမှာပြန်ရှာတွေ့ခဲ့တယ်။

ငါ့ရဲ့ခေါင်းဟာ လေးငါးမီတာလောက်လိမ့်ဆင်းသွားတယ်။

ဆူးလေကအများသုံးအိမ်သာမှာကိုယ်လက်သန့်စင်ပြီး အိမ်ထဲဝင်လိုက်တော့

Black Sabbath အိမ်မှာရောက်နေတယ်၊

Judas Priest အိမ်မှာရောက်နေတယ်၊

Mayhem အိမ်မှာရောက်နေတယ်၊

Slayer အိမ်မှာရောက်နေတယ်၊

Iron Maiden အိမ်မှာရောက်နေတယ်...

မောင်ဒေး

၂၅ ဂျူလိုင် ၂ဝ၁၃

လေယာဉ်ပျက်ကျခြင်း

ငါ့နောက်ကမလိုက်နဲ့၊ ငါ့နောက်ကလိုက်ခဲ့၊

ငါဟာလွတ်လပ်သူတို့ရဲ့ကိုယ်စားလှယ်။

နယ်ထိန်းတစ်ယောက်အဖြစ်နဲ့ ပြန်လည်မွေးဖွားပြီး

မင်းရဲ့တံစက်မြိတ်အောက် ငါအခုပဲရောက်လာမယ်။

အိမ်နောက်ဖေးကရေမည်းမည်းထဲမှာ မာကျူရီအဖြစ်ဖွဲ့စည်းပြီး

မင်းရဲ့ကြေးခွံအောက် ငါဒီနေ့ပဲအရောက်လာခဲ့မယ်။

လှေကားထစ်တွေပေါ်မှာ မြွေမင်းသမီးနဲ့ငါ ထွေးပတ်ကခုန်ကြ၊

အကျိအချွဲပုံထဲမှာ တဗိုင်းဗိုင်းချော်လဲကြနဲ့ပေါ့။

မင်းဒါကိုဖတ်နေချိန်မှာ အမှတ်ခြောက်ရဲစခန်းက

မင်းကို ထောင့်ချိုးထားတဲ့စာအုပ်တစ်အုပ်လို ဖတ်နေတယ်။

လေယာဉ်မှုးကြီးက အားလုံးကိုပျော်စေချင်တယ်။

လေယာဉ်အဆင်းကို တို့နှစ်ဦးသားပျော်ပျော်ပဲစခဲ့ကြသလို

လျင်မြန်တဲ့နှုန်းက ငါ့ရဲ့စိတ်ကိုထကြွစေတယ်။

တို့အားလုံးကို ကောင်းကင်ဘုံဆီခေါ်ဆောင်သွားဖို့အတွက်

ကုလားအုတ်တွေဟာ နှမ်းစေ့အရွယ်အပ်ပေါက်ထဲကို တိုးဝင်ပျံသန်း။

ဘဒ္ဒကမ္ဘာဟာ ဖိုထိုးရ တပြည်ဝနိုးနိုးပေါ့။

ငါဟာလှိုင်းထန်တဲ့ပင်လယ်ပြင်ကိုဖြတ်၊ တောင်တွေကိုတက်ပြီး

ဂန္ဒီရဲ့နောက်ကနေ ခြေဗလာနဲ့ ချီတက်လမ်းလျှောက်ခဲ့ပါသော်လည်း

အချိန်တန်ရင် မြက်တွေသာဝါလာမယ်ဆိုတာကို သိခဲ့ရတယ်။

ငါနဲ့နှာခေါင်းသွေးယိုနေတဲ့ဂန္ဒီတို့ ကုက္ကိုပင်အောက်မှာ

မြက်ပင်တွေအကြောင်း ရက်ပေါင်းတစ်ရာကြာအောင် ဆွေးနွေးတယ်။

ခြောက်ခန်းနေတဲ့ရေကန်ကို ဗေဒါကနာမည်ပေးခဲ့သလို

လူဝင်လူထွက်များတဲ့ဖာတန်းကို ကဗျာဆရာကနာမည်ပေးခဲ့တာဖြစ်တယ်။

လူကြားသူကြားမကောင်းလောက်အောင် အော်ဟစ်ညည်းတွားနေတဲ့

လူယောက်ျားနဲ့လူမိန်းမကို စောက်ပါးစပ်ပိတ်ခိုင်းလိုက်၊

ပြီးရင် သူတို့မိတ်လိုက်ဖို့ ကြာအပြည့်နဲ့ရေကန်တစ်ကန်ပေးလိုက်ချေ။

အချိန်တန်ရင် ပေါ်တာအဆွဲခံရသူဟာ သူ့နေရပ်ကိုပြန်လာပြီး “အိမ်

ချိုမြိန်သောအိမ်” လို့ရေရွတ်မှာပဲ။ ထောက်ကြန့်နားက လယ်ကွင်းတစ်ခုမှာ

လေယာဉ်မှုးရဲ့အလောင်းကို လေယာဉ်အပျက်အစီးပုံထဲ ရှာဖွေနေဆဲဖြစ်ပါတယ်။

မောင်ဒေး

၁၃ ဂျူလိုင် ၂ဝ၁၃

မျောက်ကဗျာ

ငါ့ရဲ့မျောက်ကို စားပွဲမှာကြိုးနဲ့တုပ်၊ အစာကြွေးပြီး

ဒီကဗျာကိုရေးခိုင်းခဲ့တာဖြစ်တယ်။

ဒါဟာငါ့ရဲ့နောက်ဆုံးမျောက်ကဗျာ၊

ဒါဟာတရုတ်ပြည်ရဲ့နောက်ဆုံးဂြိုဟ်တုလွှတ်တင်မှုဖြစ်တယ်။

ခြောက်နှစ်သားငါဟာ အခုငါရပ်နေတဲ့ပြတင်းပေါက်မှာရပ်ပြီး

မိုးသည်းသည်းထဲကရန်ကုန်မြို့ကိုကြည့်တယ်။

တောကွယ်လို့ မြို့ကိုမမြင်ရဘူး။

သစ်ပင်ခိုးခုတ်ထားတဲ့အကွက်ကွယ်နေလို့ တောကိုမမြင်ရဘူး။

ဒီတိုင်းပြည်ကိုငါကိုယ်တိုင် ငါ့လက်နှစ်ဖက်နဲ့တည်ဆောက်ခဲ့တယ်။

ဒီတိုင်းပြည်ရဲ့ပိုးစားနေတဲ့တိုင်လုံးတွေကို ရုရှားကနေငါလှမ်းမြင်ရတယ်။

အချစ်ဆိုတာဟာ ဂျူပီတာဂြိုဟ်ကိုငါလှမ်းမြင်ရတဲ့ ငါ့ရဲ့ပလက်ဖောင်းဖြစ်တယ်။

အချစ်ဟာကောင်းတယ်။ ဟူးကောင်းချိုင့်ဝှမ်းထဲကအလောင်းတွေဟာ

အစိုးရကိုဦးနှောက်ခြောက်အောင်လုပ်နေတယ်။

အိမ်သာထဲဝင်တော့တစ်လောင်း၊ မီးဖိုချောင်ထဲမှာလည်း တစ်လောင်း၊

မိန်းမနဲ့အိပ်ဖို့ စောင်ကိုလှန်လိုက်တယ်။ နောက်တစ်လောင်း။

ဘယ်ဥစ္စာကဘာဆိုတာ ငါကောင်းကောင်းသိတယ်။

ယမ်းငွေ့တစ်ထောင်းထောင်းထနေတာ ငါ့ရဲ့စအိုမဟုတ်ဘူး။

ငါ့ရဲ့ဗြဟ္မစိုရ်တရားက လူပျိုလှည့်ကောင်းတုန်း။

ဟုတ်တယ်၊ မင်းကိုပြောတာ။ ဂူချီမျက်မှန်နဲ့ချင်ပန်ဇီ မင်းကိုပြောတာ။

ဂျူလိုင်တောင်မရောက်သေးဘူး၊ မိုးကတိတ်သွားတယ်။

နေပြန်ပွင့်လာတယ်။ ငါထိလိုက်သမျှအရာတိုင်းဟာ ဖျောင်းကနဲကျိုးပြီး

ပန်းပွင့်တွေအဖြစ် အဆုပ်လိုက်အဆုပ်လိုက်ပွင့်သွားတယ်။

ဘာဘူနဲ့ငါ သေတ္တာအတူရွှေ့တယ်။ မဲပုံးတစ်ပုံးနဲ့ငါ ပေါင်းသင်းနေထိုင်တယ်။

ဒီမျောက်ကဗျာဟာ ငါရဲ့နောက်ဆုံးတောကဗျာ၊

အစွန်းရောက်ဗုဒ္ဓဝါဒီတစ်ယောက်ရဲ့ နောက်ဆုံးဂျီဟာ့ဒ်၊

မျောက်တွေရဲ့နောက်ဆုံးဒုံးပျံခရီးစဉ်ဖြစ်တယ်။

ခြောက်နှစ်သားငါဟာ အခုငါရပ်နေတဲ့ ဝရံတာပေါ်မှာရပ်ပြီး

တောင်ခြေဆီကရန်ကုန်မြို့ကိုကြည့်တယ်။ ရောင်နီကွဲအက်လာတာကို

ကြည့်တယ်။ ရောင်နီဟာပန်းဆီရောင်ထနေတယ်။

ငါ့ရဲ့ရေခဲမုန့်ဟာလည်း ပန်းရောင်ဖြစ်တယ်။ Fuck you, ပန်းရောင်!

မျောက်တွေရဲ့ဟော်လိုကော့စ်ပြီးတဲ့နောက် မျောက်ကဗျာရေးတာဟာ

လူမဆန်တဲ့လုပ်ရပ်ဖြစ်တယ်။ ဒါဟာငါ့ရဲ့နောက်ဆုံးမျောက်ကဗျာ၊

ဒါဟာကလေးသူတို့သမီးရဲ့ နောက်ဆုံးကိုယ်ဝန်ဖြစ်တယ်။

မောင်ဒေး

၂၉ ဂျွန် ၂ဝ၁၃

ဂက်ဆိုလင်

ငါ့အကြောင်းကို ငါကောင်းကောင်းသိတယ်။
ငါမရောက်တဲ့နေရာတိုင်းကို ငါ့ရဲ့အမျိုးသားရေးစိတ်ဓါတ်ကရောက်တယ်။
လူ ၂၃ ယောက်ကိုမီးရှို့သတ်ကြတဲ့ပွဲမှာ ငါ့နာမည်ကိုအော်ကြတယ်။
မမြင်ရတဲ့အရာတွေမှာ ဘုရားသခင်ကိန်းအောင်းလျက်ရှိပြီး
မြင်ရတဲ့အရာတွေကိုငါက အသားလှီးဓါးလုပ်ပစ်လိုက်တယ်။
ဒါကငါ့ရဲ့ဓါးရိုး၊ ဒါကငါ့ရဲ့ဓါးဦး၊ ဒါကတော့ငါ့ရဲ့သွေးမဟုတ်ဘူး။
စိတ်ကသွားသမျှ ကိုယ်ကမလိုက်နိုင်ဘူး။
နေရူဒါဟာ ငါသွားသမျှအပျော်ခန်းတိုင်းကိုလိုက်တယ်။
ငါစားသမျှဟင်းသီးဟင်းရွက်တိုင်းဟာ အမှောင်ထဲမှာနိုးလာပြီး
မည်းသွားတယ်။ သရဲမှန်ရင် အမည်းသားကြိုက်ရမယ်။

ငါ့ရဲ့အကြောင်းကိုဒေဝဒတ်သိတယ်။
ထမင်းထုပ်ဝေတဲ့အချိန်ဟာ ငါ့ရဲ့ဒေသစံတော်ချိန်။
ဒေဝဒတ်ကသူ့ကိုမြိုထားတဲ့မြေကို လှန်တယ်။
ငါ့ရဲ့ရည်းစားဟောင်းက ငါ့ရဲ့ပုဆိုးကိုလှန်တယ်။
ဒါကငါ့ရဲ့ပေါင်ရင်း၊ ဒါကငါ့ရဲ့ဘော၊ ဒါကငါ့ရဲ့ယာလာ၊ ဒါကငါ့ရဲ့မောင်းတော။
ရည်းစားဟောင်းဟာ ငါ့ရဲ့ဆံပင်တုကိုဝတ်ကြည့်တယ်။ မတော်ဘူး။
ငါဟာသင်းခွေချပ်တွေနဲ့ အသင်းအပင်းဖွဲ့တယ်။ ငါ့ရဲ့ရာဂစိတ်အတွက်
တိုက်ပွဲဝင်တယ်။ ငါ့မှာသွားမရှိဘူး။ ဧရာမတီကောင်ကြီးဟာ
ငါ့ရဲ့လျှာဖြစ်တယ်။ ငါကိုယ်တိုင်ဟာ ငါမြင်ချင်တဲ့အပြောင်းအလဲ။

နွားရိုင်းတစ်ကောင်ရဲ့ကိုယ်ထဲမှာ ငါအိပ်ရာကထပြီး
နွားရိုင်းတွေကို ချိုကနေကိုင်ကာမောင်းနှင်တယ်။
ရှမ်းပြည်မှာငါဘိန်းစိုက်တယ်။ မန္တလေးမှာနိုက်ကလပ်ဖွင့်တယ်။
ငါရေးခဲ့တဲ့ကဗျာတွေကို ငါမသိတော့ဘူး။
ငါမီးရှို့ခဲ့တဲ့လူအရေအတွက်ကို ငါမမှတ်မိတော့ဘူး။

မောင်ဒေး
၁၄ ဧပြီ ၂ဝ၁၃

ဂက်ဆိုလင်=Gasoline
ယာလာ=Yala Province in Southern Thailand