“ရုပ်ရှင်ကဗျာများ” မှ

David Lynch ၏ Inland Empire

ပန်းဆိုးတန်းတံတားပေါ်တွင် သောင်တင်နေသည့်သင်္ဘောကို

ကမ်းလေမမြင်သောအရပ်သို့ ပို့လိုက်ပါ။

ရန်ကုန်ဆေးရုံကြီးပေါ်မှ ပန်းကန်ပြားပျံကို

ဗိုလ်အောင်ကျော်လမ်းဘက်အထိ မောင်းယူလာခဲ့ပါ။

ရဲသားများသည် ကျောင်းတွင် သူရဲကောင်းများဖြစ်၍

အပြင်လောကတွင် ယုန်တွင်းများဖြစ်သည်။

လူစကားပြောသောယုန်များသည် ကျောင်းတွင် ပညာရှိများဖြစ်၍

အပြင်လောကတွင် ခိုစားသောပြောင်းစေ့များဖြစ်သည်။

ခိုများသည် ကျောင်းတွင် အနာဂတ်၏ခေါင်းဆောင်များဖြစ်၍

အပြင်လောကတွင် ကိုယ်ပျောက်ဝိဇ္ဇာများဖြစ်သည်။

Sam Raimi ၏ The Evil Dead

ရေတံလျောက်ပေါ်တွင်ပြေးနေသော ကြွက်များသည်

မုန့်စားဆင်းလာသော ကျောင်းသားများနှင့်တူ၏။

လမ်းပေါ်တွင်မီးစွဲလောင်နေသော Probox ကားများနှင့်တူ၏။

ကျောင်းစာအုပ်တို့ အလိုလိုပွင့်သွားပြီး

မြေအောက်ခန်းထဲတွင် အိပ်ပျော်နေသော တစ္ဆေများနိုးလာသည်။

ကျွန်တော်တို့အိမ်မှ ခွေးကလေးစိန်စိန်သည်

ခြံဝသို့စိုက်ကြည့်၍ တစ်နေ့လုံးတအီအီလုပ်နေခဲ့သည် ဆို၏။

ကျောင်းဆင်းသောအခါ ကျွန်တော်လည်းအိမ်ပြန်လာ၍

အသီးမသီးသောအိမ်ကအုန်းပင် အသီးသီးပါစေကြောင်းဆန္ဒပြုပြီး

၎င်း၏ပင်စည်တွင် ငါးမူးစေ့ကို သံနှင့်ရိုက်ထည့်လိုက်သည်။

Spike Jonze ၏ Her

ကျွန်တော်နှင့် ကျွန်တော်၏တရုတ်နိုင်ငံလုပ် စမတ်ဖုန်းတို့

တစ်ယောက်ကိုတစ်ယောက် အသည်းအသန်ချစ်မိကြသည်။

ချစ်မိလျှင် ပို၍ပိုင်ဆိုင်ချင်သည်။ ပိုင်ဆိုင်မိလျှင် ပို၍ချစ်ချင်သည်။

လောကကြီးသည် ဖြေရခက်သော မေးခွန်းများနှင့်ပြည့်နေ၏။

သို့ပေမယ့် ထိုမေးခွန်းတို့၏အဖြေကို ကျွန်တော်မသိချင်ပါ။

သိလိုစိတ်သည် ပညာတတ်တို့၏ ဘိန်းဖြစ်သည်။

ဟိုတလောဆီက မုတ်သုံလေထံမှစာလာသည်။

ဒီနှစ် သူမလာနိုင်ဟုဆို၏။ ဒါကိုလည်း ကျွန်တော်ဂရုမစိုက်ပါ။

အဲဒါငါ့စောက်လုပ်မဟုတ်ဘူးဟဲ့ဟု စာပြန်ရေးလိုက်သည်။