Monday, December 31, 2012

၁၉၆ဝနှစ်များပုံစံကဗျာ

အကောင်းဆုံးက ကိုယ်လုံးတီးအမျိုးသမီးတွေပဲ
ပြောင်းခင်းထဲမှာလည်း သူတို့ရှိတယ်၊ မြစ်ကမ်းနဘေးမှာလည်း သူတို့ပဲ
သူတို့ဟာကိုယ်လုံးတီးဖြစ်ပြီး လမင်းကအဝါရောင်ဖြစ်တယ်
ဆီးသီးပေါတဲ့ နွေရာသီဖြစ်တယ်
အဲဒီနောက်ဆောင်းဦးရာသီ၊ သူတို့ကို မြို့ထဲမှာငါတွေ့တယ်
ကော်ဖီဆိုင်မှာ၊ ပါတီပွဲမှာ၊ အရက်ဆိုင်မှာ၊ ပန်းချီပြပွဲဖွင့်ပွဲတွေမှာ
အဲဒီကိုယ်လုံးတီးအမျိုးသမီးတွေကို ငါတွေ့တယ်
တစ်ခါတရံ နေကာမျက်မှန်တွေကို သူတို့တပ်ထားကြတယ်
မကြာခဏဆိုသလို စီးကရက်ကိုလက်ကြားမှာညှပ်၊ ကော့တေးခွက်ကိုကိုင်ထားကြတယ်
ကော့တေးထဲမှာ ရေခဲကတစ်တုံးတည်းသာရှိတယ်
ကိုယ်လုံးတီးအမျိုးသမီးတွေဟာ ဘီးဟိုက်ပုံဆံထုံးကိုကြိုက်တယ်
နေရာမရွေးဝတ်လို့ရတဲ့ အနက်ရောင်ဝတ်စုံတွေကိုကြိုက်တယ်
ကိုယ်နံ့မွှေးကြိုင်တာကို ဂုဏ်ယူတယ်
အိစက်စက်အနက်ရောင်ဂါဝန်ကိုဝတ်
နောက်ဆုံးပေါ်အနက်ရောင်ခေါက်ပိုက်ဆံအိတ်ကို သူတို့ကိုင်ထားကြတယ်ဆိုပေမယ့်
သူတို့ဟာ ငါ့စိတ်ကူးထဲကကိုယ်လုံးတီးအမျိုးသမီးတွေပဲ
ဆယ့်လေးနှစ်သားအရွယ်ကတည်းက ငါစိတ်ကူးယဉ်ခဲ့ရတဲ့
ကိုယ်လုံးတီးအမျိုးသမီးတွေပဲ

ဒေးဗစ်လေးမန်း
မြန်မာပြန်-မောင်ဒေး

(အမေရိကန်ကဗျာဆရာ David Lehman ရဲ့ Poem in the Manner of the 1960s ကဗျာကိုပြန်ဆိုပါတယ်) 


Monday, December 17, 2012

အဖေ့ကို ကျွန်မသတ်လိုက်တယ်

အဲဒီညက အဖေ့ကို
ကျွန်မသတ်လိုက်တယ်။
ဒါမှမဟုတ် ဟိုတစ်နေ့ကများလား...
ကျွန်မမမှတ်မိဘူး။
သေတ္တာတစ်လုံးကိုဆွဲပြီး ကျွန်မထွက်ပြေးတယ်။
သေတ္တာထဲမှာ အိပ်မက်ရယ်၊ မှတ်ဥာဏ်ပျက်သုန်းမှုရယ် အပြည့်ပဲ။
ပြီးတော့ ကျွန်မငယ်ငယ်က
အဖေနဲ့တွဲရိုက်ထားတဲ့ ဓါတ်ပုံလေးကိုလည်း
ထည့်ယူခဲ့တယ်။
အဖေက ကျွန်မကိုလက်မောင်းနဲ့ပွေ့ထားတဲ့ပုံလေး။

သမုဒ္ဒရာရဲ့နက်ရှိုင်းတဲ့တစ်နေရာမှာ
လှပတဲ့ကမာခွံတစ်ခုထဲ အဖေ့ကိုထည့်ပြီး
ကျွန်မသေသေချာချာ မြှုပ်နှံသင်္ဂြိုဟ်ခဲ့တယ်။
ဒါပေမယ့်လည်း အဖော်ကင်းမဲ့စွာ၊ တုန်ရီထိတ်လန့်စွာနဲ့
ကုတင်အောက်မှာ တိတ်တိတ်လေးပုန်းနေတဲ့ကျွန်မကို
အဖေရှာတွေ့သွားပါတယ်။

မရမ် အာလ်-မာစရီ
မြန်မာပြန်-မောင်ဒေး

(ဆီးရီးယားကဗျာဆရာမ Maram al-Massri ရဲ့ I killed my father... ကဗျာကိုပြန်ဆိုပါတယ်)

Sunday, December 9, 2012

ငါ့ရဲ့လက်ရှိအလုပ်အကိုင်


အလုံဈေးကကာရာအိုကေဆိုင်ထဲမှာ ငါ့ရဲ့မျက်စိရှေ့တင်
စစ်တပ်က သပိတ်စခန်းကိုဝင်သိမ်းတယ်။
မိန်းကလေးတွေဟာ ကျပ်ညပ်နေတဲ့ဒိုင်နာကားပေါ်မှာ
ဘာသာစကားတစ်ခုကနေ နောက်တစ်ခုဆီ အသက်လုပြေးကြတယ်။

မိုင်းရှင်းထားတဲ့ပေါင်ကြားကို ထူးဆန်းတဲ့အနာတစ်ခုလို ငါကြည့်နေတုန်း
သုဝဏ္ဏအားကစားကွင်းရှေ့မှာ လယူရှောင်ဘိုကို* ထောင်ထဲထည့်လိုက်တယ်။
ဘုရားရှေ့မှာ နဂါးရှိတယ်။ မိုးဟာ လေမမြင်၊ မိုးမမြင်။
ဇောက်ထိုးဆင်းလာတဲ့လေယာဉ်မှာ ထိုးကွင်းတွေမြင်မကောင်း။

ခုနေခါ ကဗျာရေးဖို့မဖြစ်နိုင်လို့ ဒီကဗျာကိုငါရေးတယ်။
ကဗျာနဲ့မူးယစ်ဆေးဝါးဆိုတာ အလယ်တန်းကျောင်းမှာကတည်းက
မိန်းကလေးတွေအိမ်သာတက်တာကို အလှည့်ကျချောင်းကြည့်၊
ကြောင်ရဲ့ဂွေးမှာ ခဲလုံးကိုကြိုးတပ်ပြီးဆွဲတော့လည်း အတူတူပဲ။
အဲဒါ သီတာထွေး။” “မဟုတ်ဘူး၊ အဲဒါ လေးဖက်ကုန်းနေတဲ့ကဗျာ။”

MRTV 4ဟာ ငါ့ရဲ့နာမည်တွေအများကြီးထဲကတစ်ခု၊ နောက်တစ်ခုက
လှိုင်သာယာစက်မှုဇုံ။ ငါမွေးထားတဲ့မျောက်မှာ ဖိုလိင်အင်္ဂါငါးခုရှိတယ်။
ငါမွေးထားတဲ့မျောက်ဟာလက်အိတ်ကို အောက်ခံဘောင်းဘီလုပ်ဝတ်တယ်။

လဆုတ်လကွယ်ကို ငါထိန်းချုပ်တယ်။ ကိန္နရာရဲ့အတောင်ကိုကျောမှာတပ်၊
ကြယ်တံခွန်ကို ဒဂုန်တာရာရဲ့လျှာနဲ့ ငါလျက်တယ်။

*Liu Xiaobo

မောင်ဒေး
၉ ဒီဇင်ဘာ ၂ဝ၁၂